ثقافة صحية منقذة لحياتك ولحياة أسرتك من الإسهالات المائية – وزير الصحة الاتحادي يعلن عبر الأجهزة الإعلامية عن حالات كوليرا ببعض الولايات ووفيات ✍️ أبشر شجرابي

*انتهينا من مرحلة الوقاية خير من العلاج لاننا متأكدين تماما إن اي بيت سوداني من يوليو حتى سبتمبر سيكون فيه خطورة الإصابة بالإسهال المائي و نسأل الله السلامة.*

* *عشان كدا حندخل في مرحلة العلاج ..*

*وبما انه وزارة الصحة أعلنت وكلنا نعلم الظروف الحاصلة والإمكانيات . نحن حنعالج نفسنا بنفسنا وفي البيت قبل ما نصل مرحلة الجفاف لأنه سيؤدى لمضاعفات يصعب علاجها*

*أكرر (قبل ما نصل مرحلة الجفاف*..

*وهى الاعياء وفقدان مرونة الجلد وجفاف اللسان الخ )*

 

*جاك إسهال مائي اتبع الخطوات التالية* :-

 

1- *واصل أكل وشراب ما تصووووم لانه السبب الأساسي للوفاة هو الجفاف*

 

2- *أول حاجة تعملها تشرب محلول التروية من الصيدلية أو يتم تحضيره بالمنزل أشرب على قدر ماتقدر*

 

*كيف تحضروا محلول التروية في البيت والنقطة دي هامه جدا اي زول لازم يعرفها* *(جيب مويه صفيها بقطعة قماش نظيفة*..

*بعد داك ختها في النار خليها تغلي.. نزلها خليها تبرد شوية*…

*وقصاد كل لتر من المويه اضف نص معلقة ملح وستة ملاعق صغيرة سكر ونقاط ليمون* .. *واشرب اصلو ماتقصر اشررررب دا المحلول المنقذ لحياتك)*.

 

3- *أمشي أقرب صيدلية جيب حبوب إسمها دوكساسايكلين كبسولات 100 ملجرام لونها أخضر وابلع منها وقتي ٣ كبسولات وتاني كبسوله كل ١٢ ساعة*

 

4- *أشرب عصير قنقليز وكتر من السوائل ماتخلي شوربة ولا نشأ بالكاستر حايمة في البيت اشربها كلها*

 

5- *اغلي الهبهان واشربه ، سف حلبه أكل زبادي بالكسبرة*

 

6- *غسلوا يدينكم بالمويه والصابون كويس شديد* ….

 

– *وانت يا المريض لما تمشي الحمام شيل معاك جردل مويه وصابون بعد تخلص غسل الحمام لانه الكوليرا بتنتقل بالذباب*

 

7- *اطبخوا الأكل كويس شديد وغسلوا الفواكه والخضار بالخل اول شي لانو بقتل البكتريا الناقلة للمرض*

 

*ماتخافوا من المرض الكوليرا* *علاجها ساهل جدا* *وما تنتظروا لما تفقد سوائل وتبقى تحت رحمة المستشفيات*

*عالج نفسك بنفسك وفي بيتك*.

 

..